الرئيسية > آش واقع > حسن الدرهم لـ”كود”: ما اثير عن المحاكمة استهداف لتاريخ عائلة وحدوية نظيفة وعندو علاقة بالانتخابات الجاية وضميري مرتاح وحصيلتي ف”المريسة” تتكلم علي
25/11/2020 13:00 آش واقع

حسن الدرهم لـ”كود”: ما اثير عن المحاكمة استهداف لتاريخ عائلة وحدوية نظيفة وعندو علاقة بالانتخابات الجاية وضميري مرتاح وحصيلتي ف”المريسة” تتكلم علي

حسن الدرهم لـ”كود”: ما اثير عن المحاكمة استهداف لتاريخ عائلة وحدوية نظيفة وعندو علاقة بالانتخابات الجاية وضميري مرتاح وحصيلتي ف”المريسة” تتكلم علي

كود علي الصافي العيون ///

في اول تعقيب له على احالة ملف بلدية المرسى ايام كان رئيس بلديتها على القضاء٬ قال رجل الاعمال والسياسي حسن الدرهم ل”كود” ان هناك استغلال سياسوي للقضية. واضاف ل”كود” حنا مستهدفين شحال هادي. مستهدفين كوحدويين بكلشي اللي درناه لبلادنا من 1881. راه من هاد التاريخ وحنا حاضرين فالساحة. وهاد لشي راه موثق بالظهائر” الدرهم اكد ل”كود” ان هاد القضية والضجة اللي دارت حولها هدفها توسخ سمعتي وسمعة العائلة. وربط فتصريحو ل”كود” بين الانتخابات التشريعية ل2021 وبين هاد الاستهداف.

وشدد فتصريحو ل”كود” على ان ضميرو مرتاح

الدرهم اللي كانت استمعات ليه الفرقة الوطنية هادي مدة على هاد الملف بعد اثارتو فالمجلس الاعلى للحسابات قال ل”كود” “مشيت عند الفرقة الوطنية وتكلمت وقلت كلشي. دوزت جوج ولايات ونص. بسباب المرض استاقلت من الجماعة ومن البرلمان. كان خاصني نقابل صحتي. بصفتي رئيس الجماعة علاش استدعاوني. ولكن راني قلت ليهم حتى ليفرونيسور اللي كانت الجماعة كتعامل معاهم ما كنعرفهمش. كل مسؤول خاصو يتحمل مسؤولية اش دار”.

الدرهم اكد ل”كود” ان من بين اللي كيستهدفوه كيسيرو جماعات وهمية فالمنطقة. كما ذكر فتصريحو ل”كود” انو مشى من البلدية وفيها 56 مليون درهم واشار باش كنت فالجماعة بنيت مقر واعر ودرنا منطقة صناعية وتفرقات 750 بقعة على ولاد المنطقة من اللي ما فحالهمش بالاضافة لتوظيف عدد من الشباب. واضاف ل”كود” “ياك انا مستثمر. نتحدى شي حد ايلى خديت انا او عائلتي شي بقعة لا فالبلاية ولا فالمنطقة الصناعية. يدنا نظيفة وهاد الشي معروف فالمنطقة”

الدرهم اللي غادي يترشح للانتخابات التشريعية المقبلة عاود اكد باللي هاد لشي كولو استهداف لوطنيتو اللي ما عمرو زايد بيها وضربة من خصومو السياسيين

موضوعات أخرى

19/01/2021 07:00

نور الدين مضيان لـ”كَود”: الجزائر بلاصة ما تديها فتنمية بلادها مقابلة دير خط بحري مع مليلية ولكن هادشي ماغاديش يزعزعنا