الرئيسية > كود سبور > حسبان حيح على “كازا إيفنت” ونجح باش العب الماتش ضد الحسنية بدونور
17/10/2017 09:14 كود سبور

حسبان حيح على “كازا إيفنت” ونجح باش العب الماتش ضد الحسنية بدونور

حسبان حيح على “كازا إيفنت” ونجح باش العب الماتش ضد الحسنية بدونور

كود كازا ////

نجح سعيد حسبان، رئيس فريق الرجاء، في أنه يضغط على كازا إيفنت، المكلف بنتظيم مركب محمد الخامس، وخلاها تراجع على إغلاق ملعب مركب محمد الخامس.

الشركة كانت باغا تسد الملعب مباشرة بعد مباراة الوداد أمام اتحاد العصبة، برسم نصف نهائي عصبة الأبطال، ولكن حسبان كشر على الأنياب ديالو وخرج بتصريحات كيتهم فيها الشركة بوضع عراقيل وحرمان الفريق من مداخيل مهمة، وأنها كتساهم في تعذيب الجمهور الرجاوي.

ونجح حسبان من خلال التصريحات والضغوط ديالو على الشركة باش خلاها تراجع على قرار إغلاق الملعب، وقرات أنها تخلي الرجاء استقبل الحسنية نهار الاثنين المقبل، في دونور.

وكانت الشركة باغا تسد الملعب باش تصلح العشب ديالو، ولكن حسبان رفض لأنه معندوش ملعب آخر في العب، خصوصا أن الملعب يالاه كان مسدود، والرجاء والوداد تعذبوا باش القاو تيران في الرباط وأكادير باش العبوا المباريات ديالهم.

وكان الرجاء لعب الأحد الماضي أمام شباب أطلس خفيرة فدونور وقدم مباراة كبيرة بزاف، وربحوا بخمسة لواحد، وباغين اقدموا نفس العرض أمام الحسنية.

موضوعات أخرى

25/09/2018 13:33

يخطب رئيس الدولة ولا ما يخطبش. ها شعار العنصر: بغيتو التجديد والشباب وسيرو قلبو عليه فشي حزب اخر راه الحركة ديالي وانا مولاها وخليكم من كلام الخطب الشي لاخر