كود كازا ///

برر سعيد حسبان، الرئيس ديال الرجاء تأجيل الجمع العام ديال الفريق إلى موعد لاحق، بعدما كان خصوا اعقدو غدا (الخميس)، كيف سبق وعلن على ذلك.
الرئيس الرجاوي حسب مصادر مقربة منه، وحل في التقرير المالي، وباقي مكملوش، وخا كان عارف أن التقرير كان خصوا اوجد قبل 10 أيام باش اعطيه للمنخرطين، ولكن إدارة الرجاء تعطلات في الإعداد ديالو الأمر لخلاه اقرر تأجيل الجمع مرة اخرى.
منخرطين بالرجاء أكدوا للموقع أن السبب الحقيقي ديال التأجيل هو أن حسبان خايف من المنخرطين باش اطالبوا بعقد جمع عام استثنائي، خصوصا أن الجمع العام غادي اكون فيه ممثل ديال الوزارة والجامعة والسلطة المحلية، يعني غادي اديرو تقرير ديالهم وقولوا أن ثلثي المنخرطين كيطالبوا بعقد الجمع العام، وديك الساعة غادي اولي مفروض عليه ادير الجمع العام، ولا اديروه المنخرطين بلا بيه.
وهادي هي المرة الخامسة تقريبا لكيأجل فيها حسبان الجمع العام بحجة أن التقرير المالي باقي مواجدش، مع العمل أن التقرير كيوجد في أسبوع على أبعد تقرير.