الرئيسية > كود سبور > حسبان حالف حتى ارونها تاهو داير جمع عام نهار 12 اكتوبر
19/09/2017 11:31 كود سبور

حسبان حالف حتى ارونها تاهو داير جمع عام نهار 12 اكتوبر

حسبان حالف حتى ارونها تاهو داير جمع عام نهار 12 اكتوبر

كود كازا ///

حسبان صدر بلاغ كيقول فيه أنه غادي ادير جمع عام عادي في 12 أكتوبر، في نفس النهار لباغين المكتب المسير ديالو فالرجاء اديرو فيه جمع عام استثنائي، باش اجريو عليه.

وغير طاح البلاغ ديال الجمع العام الاستثنائي ديال المكتب المسير مشى حسبان دار بلاغ آخر في أن المكتب المسير فادي اعقد الجمع العام العادي ديالو في 12 اكتوبر.

دابا غادي اولي حسبان داير جمع عام عادي والمكتب المسير داير جمع عام استثنائي، الاول باش اصوتو على التقرير الادبي والمالي، والثاني باش اجريو عليه من المنصب ديالو.

وغادي تزيد تعقد الأمور بين حسبان والرجاويين، لأنه في البلاغ مدارش انه ناوي احول الجمع العام الهادي الى استثنائي، واخا البلاغ السابق داؤ فيه هاد القضية دابا حيدها باشةاخلي الأمور غامضة.
وغادي اضطر حسبان باش ادير جمع عام استثنائي لان تا واحد مباغيه في الرجاء وكلشي حالف عليه باغيه امشي، ومع ذلك هو متشبث بالكرسي لسنوات طويلة وهو كيحلم بيه.

وكانوا المنخرطين ناوين اديىو جمع عام استثنائي نهار 21 شتنبر ولكن دابا غادي احيدو التاريخ وغادي اتسناو 12 اكتوبر لقدر اكونو فيه جوج ديال الجموع العامة واحد ديال حسبان واحد ديال المسيرين والمنخرطين.

موضوعات أخرى

29/03/2024 00:00

نقابة الصحافة زادت دروس أخرى على دروس “الهاكا” فقضية فبركة جريمة شفرة على المباشر.. كنبهو للانزلاقات الكثيرة لي كتوقع فعمل بعض الإذاعات الخاصة ويجب إعادة النظر فالقانون المنظم للقطاع السمعي البصري

28/03/2024 23:30

جثة مجهولة كلاوها الكلاب فالطريق بين العيون وفم الواد دارت استنفار فالجوندارم

28/03/2024 23:00

الفيفا طالبو الصبليون يوضحو لهم تهم الفساد المالي الموجهة للرئيس السابق روبياليس وللمعتقلين فالقضية

28/03/2024 22:35

اشناهي المواد الغذائية الفاسدة اللي تشدات ف15 يوم درمضان؟ 402 طن فيها 106 من التوابل و60 طن من العصير و35 طن من لحليب و34 طن من السكر واتاي

28/03/2024 22:30

لشكر شتت تنسيق المعارضة.. زرب على بنعبد الله وبنكيران وأوزين وعلن رسميا باسم المعارضة على ملتمس الرقابة