وكالات//

كتعيش سلطة عمان مأساة حقيقة بعد واحد الكارثة بيئية ماتو فيها دراري صغار.

على حساب ماقالت الصحافة ديال عمان فالبارح الاثنين ماتو 3 ديال الناس فالفياضانات لي عرفاتهم منطقة “بني غافر” في ولاية الرستاق العُمانية.

المدينة العمانية كانت فيها البارح الاثنين شتا مجهدة بزاف، عمرها ماشافت بحالها من هادي سنين، شي لي دار فياضات شحال هادي ما عرفتها البلاد.

كتقول الصحافة أن الناس شافو الفياضانات وهوما كيديو الدراري الصغار، وبعد ساعات من التقلاب لقاوهوم ميتين فبلاصة أخرى بعيدة.

وعلى حساب مقالت الصحافة العمانية، هاد الدراري الصغار من عائلة وحدة وسميتهم “تيمور وسوار ولمى”.