كود ـ وكالات //

قالت القيادة العسكرية الإسرائيلية اليوم الثلاثاء بلي القوات ديالها يسيطروا على “مواقع استراتيجية” جداد وسط الأراضي اللبنانية، وزير الدفاع الإسرائيلي يسرائيل كاتس صرّح باللي الجيش بدا عملية سماها “توسيع النطاق الأمني” فجنوب لبنان، وأكد باللي الهدف هو السيطرة على كديات مهمة ونقط استراتيجية اللي كتستعمل كمنصات لإطلاق الصواريخ.

مصادر طبية ولبنانية قالت باللي كثر من 50 قتيل ومئات الجرحى طاحو بسبب الضربات اللي استهدفت الضاحية الجنوبية ديال بيروت ومنطقة حارة حريك، وزيد عليهم القصف المدفعي القوي على القرى القريبة من الحدود.

منظمات دولية حذّرات من أزمة النزوح، حيث أكثر من 30 ألف شخص هربو من القصف غير فـ24 ساعة الأخيرة، وسط ضعف الطاقة الاستيعابية لمراكز الإيواء اللي أصلاً كتعاني من نقص كبير فالمستلزمات الأساسية.

هاد الحْركة الإسرائيلية جات مورا الصواريخ لي رسلها حزب الله لإسرائيل انتقاما لموت خامنئي.