كود – كازا ///

قالت تقارير إعلامية، أن مصالح الإنقاذ البحري فالمغرب عتقات ولبارح مع 1 ديال الليل حوالي 29 حراگ خرجو من الجنوب ف فلوكة فاتجاه لانزاروت فجزر الكناري. الغريب في القصة ديال هاذ الحراگة هو الاعتقاد ديالهم أنهم وصلو الكناري..

وقالت وكالة إيفي الإسبانية، أن الفلوكة ديال الحراگة كانت قريبة من سواحل لانزاروت، وتم إيفاد مروحية هيلمير 202 وسفينة جواردامار تاليا للمكان اللي تم فيه رصدها،  قبل ما يتم تأكيد قربها من طرفاية فوقت لاحق، حسب ما أفاد متحدث باسم الإنقاذ البحري لـ (EFE). وتم إعلام الجانب المغربي اللي تدخل لإنقاذ المهاجرين.