كود سبور//

تأهلو الجيش الملكي إلى دومي فينال كأس العرش، بعدما ربحو اليوم الأربعاء فتيران أدرار فأكادير، المضيف ديالو أولمبيك الدشيرة فربع النهائي.

وسالا ماتش الجيش الملكي متصدر القسم الوطني الأول وأولمبيك الدشيرة الممارس فالقسم الوطني الثاني بنتيجة 2 لواحد لمصلحة ليفار، وماركاو الجيش الملكي الهدف الأول فالدقيقة 74 بواسطة الكابيتان ربيع حريمات، وماركاو أولمبيك الدشيرة الهدف الثاني عن طريق أيوب معمور من بلانتي فالدقيقة 82، وفالوقت اللي كان كلشي كيتسنى الماتش يسالي بالتعادل رجع ربيع حريمات وماركا الهدف الثاني ديال الرباح للجيش الملكي فالدقيقة 94.

وبهاد النتيجة تأهلو الجيش الملكي إلى دومي فينال كأس العرش، وغايلعبو ضد المغرب الفاسي اللي تأهلو بعدما ربحو المغرب التطواني، أما أولمبيك الدشيرة ودعو المسابقة من ربع النهائي.