كود سبور//
غير ما غاديين فضايح السنغال فمونديال 2026، وكايتفرشو وفضيحة جديدة تاني بانت وبطلها تاني الاتحاد السنغالي لكرة القدم، اللي ما كانش مسوري على اللعابا وما دايرش التأمين الصحي على اللعابا.
وحسب جريدة “سبور نيوز أفريكا”، راه الاتحاد السنغالي لكرة القدم ما كانش داير التأمين على اللاعبين والطاقم التقني وما كان مسوري على حتى شي عضو من الوفد ديالو فمونديال 2026.
ومن بين ضحايا الفضيحة ديال السنغالي الگول ديال منتخب السنغال إدوارد ميندي اللي توعت فالماتش الثاني ضد النرويج فميريكان وملي مشى يدير الفحوصات الطبية فالسبيطار، لقى راسو بلا تغطية صحية وبلا تأمين واضطر يخلص مصاريف الفحوصات من جيبو، واللي كان ثمنها غالي.
