كود ـ الرباط//

أكدت مصادر مقربة من علي أنوزلا، مدير موقع “لكم”، أن محكمة الاستئناف أصدرت حكما قضائيا جديدا يقضي بتبرئة الصحافي أنوزلا من تهمة “المس بالوحدة الترابية”.

المصادر قالت لـ”كود” بأن القضية لي كيتابع بها أنوزلا كانت غريبة بسباب حوار دارو مع جريدة بيلد الألمانية المشهورة فـ2015، الحوار تنشرات فيه عبارة “الصحراء محتلة” واللي نفاها أنوزلا طيلة فترة المحاكمة.

يشار بلي هاد القضية تعطلات بزاف كثر من 8 سنين، واخا تصدر ابتدائي ثم استنئنافي، محكمة النقض ردات الملف لمحكمة الاستئناف، الأخيرة  دارت تأييد الحكمين السابقين القاضيين ببراءة أنوزلا.

أنوزلا حسب مصادر مقربة من الملف، نفى بلي صرح بهادشي وأن الجريدة هي لي زادت “محتلة” قدام الصحراء.

أنوزلا على موعد جديد مع محكمة النقض يلا مشا ليها الملف وممكن يرجع عاود للاستئناف.

أنوزلا من الصحافيين القلال فالمغرب لي باقين محافظين على نفس الخط فالتحرير.