الرئيسية > آراء > حروب لجنة تحكيم مهرجان الفيلم الوطني ولات مسلسل مكسيكي. زينون: السي بلال خرق مبدأ السرية باش جبد سميتي ومرميد: من حقي نوضح وتدوينتك جابت تفاصيل كان خاصها تبقى فاللجنة
27/09/2022 11:00 آراء

حروب لجنة تحكيم مهرجان الفيلم الوطني ولات مسلسل مكسيكي. زينون: السي بلال خرق مبدأ السرية باش جبد سميتي ومرميد: من حقي نوضح وتدوينتك جابت تفاصيل كان خاصها تبقى فاللجنة

حروب لجنة تحكيم مهرجان الفيلم الوطني ولات مسلسل مكسيكي. زينون: السي بلال خرق مبدأ السرية باش جبد سميتي ومرميد: من حقي نوضح وتدوينتك جابت تفاصيل كان خاصها تبقى فاللجنة

كود طنجة ///

حرب كبيرة فالمشهد السينمائي المغربي. حرب تستحق تكون سيناريو لشي فيلم كاع. فيها التشويق والفرشة والضرب من التحت وباك صاحبي وندافع عليه حقاش درتيني فاللجنة وانصر اخاه السينمائي واخا ما فيدوش… 

هاد الحرب بدات بعد الاعلان عن نتائج جوائز مهرجان طنجة السبت اللي فات الخاصة بالفيلم الطويل. فالحقيقة بدات قبل. شفنا اعضاء لجنة سربو خبيرات لصحابهم المخرجين على كيفاش غادية تكون فيه الجوائز. بعد ما خرجات بدات لمضاربة من التحت. 
البارح خرج المخرج لحسن زينون تدوينة شرح فيها علاش انساحب هو وشي عضوة معاه من لجنة تحكيم الفيلم الطويل٬ ثم رد عليه عضو اللجنة نفسها الصحافي بلال مرميد. 

هاد الصباح رد زينون بتدوينة فيها تهديد باللجوء الى القضاء واعتابر نشر اسمو من قبل بلال مرميد “مدان قضائيا”. السي زينون صدر الحكم قبل ما يحط الشكاية كاع. هادي خلى فيها

زينون قال باللي تصريحو بخصوص مغادرة اللجنة كان واضح ومبدئي وباللي ما جبد حد وما كشف على حتى حاجة عندها علاقة بتفاصيل لجنة التحكيم٬ واكد باللي بلال مرميد “خرج السرية اللي كتفرضها الديوانطولوجي باش جبد تصويتو٬ بشكل خاطئ” واعتابر هاد الشي مدان قانونيا.

بلال مرميد رد عليه فصفحتو وقال ان اللي دارو هو توضيح لتدوينتو واكد ان هاد الشي كيدخل فاطار تثمين نقاش بديناه وتمنى يبقى حاضر. بلال اكد باللي تدوينة زينون جابت تفاصيل كان خاصها تبقى خاصة باللجنة وعليه رد عليه. 

وختم باللي الاختلاف لا يفسد للود قضية”

هاد الصداع ناض على منح الجائزة الكبرى لفيلم “زنقة كونتاكت” لاسماعيل العراقي. فيلم ما عجبش اعضاء وناضت القربالة

المشكلة انو كاين فساد كبير بزاف فيه تواطؤ بين شي وحدين فقطاع السينما. كاين تصايب خلى الفساد ينخر القطاع. شي عطي جوائز لشي. الدولة كتفرج واخا هي اكبر ممول لهاد الشي من خلال صندوق الدعم.

كاينين مخرجين مبدعين هي نقطة الضو فهاد الفيلم المظلم.

موضوعات أخرى

08/12/2022 21:36

قصبة مولاي الحسن بفاس.. دور صفيحية وبنايات مهددة بالانهيار ومسؤول من وزارة الثقافة لـ”كود”: تدخلنا تقني والموقع تابع لإدارة الدفاع