الرئيسية > آش واقع > حرمان المغاربة من الفيزا.. جامعة حقوق المستهلك راسلت سفيرة فرنسا: رجعو فلوس الضوسي للمغاربة اللي ترفضات ليهم الفيزا
18/08/2022 13:30 آش واقع

حرمان المغاربة من الفيزا.. جامعة حقوق المستهلك راسلت سفيرة فرنسا: رجعو فلوس الضوسي للمغاربة اللي ترفضات ليهم الفيزا

حرمان المغاربة من الفيزا.. جامعة حقوق المستهلك راسلت سفيرة فرنسا: رجعو فلوس الضوسي للمغاربة اللي ترفضات ليهم الفيزا

كود الرباط//

راسلت الجامعة المغربية لحقوق المستهلك، سفيرة فرنسا لدى المغرب، من أجل وضع حد لمسلسل “إهانة” المغاربة وذلك بالتدخل لدى مختلف القنصليات باش يعطيو فلوس الضوسي ديال الفيزا للمغاربة لي دفعو ليها وترفضات.

الجامعة المغربية لحقوق المستهلكين كشفات فهاد المراسلة بلي هادشي لي دارت فرنسا (حرمان عدد كبير من المغاربة من الفيزا)، تدار بلا خبار المستهلكين لي دفعو يطلبو التأشيرة، وبأنه خلاوهم يدفعو بين 800 درهم حتى لـ 1000 درهم باش يوضعو الطلب.

يشار بأن لحدود الساعة، الخارجية المغربية ساكتة على هاد “الاهانة” لي تعرضو ليها المغاربة من قبل الحكومة الفرنسية.

وسبق لبرلمانية أن راسلت ناصر بوريطة وزير الخارجية، واعتبرت بلي المغاربة تعرضو للإهانة وبأن أطباء تمنعو يشاركو فمؤتمر علمي لأن المصالح القنصلية الفرنسية رفضات تعطيهم فيزا.

موضوعات أخرى