كود كازا//

علنات الحركة النسوية” هي” انه نهار الأحد 25 يونيو مع 5 فساحة الأمم المتحدة الدار البيضاء غيديرو وقفة احتجاجية من أجل حقوق المغربيات.

وأضافت حركة” هي” انهم غيدافعو الى جانب مواطنات ومواطنين على مجموعة من المطالب على رأسها إصلاح جدري وشامل لمدونة الأسرة من بعد 19 لعام على آخر تعديل.

ووضحو انه التعديل اللي بغاو يطالبو بيه غيشمل منع ومعاقبة تزويج القاصرات، السلطة المشتركة للأبوين فالنيابة القانونية والحضانة والمسؤولية المشتركة، بالإضافة للمناصفة والمساواة فالإرث بين الرجل والمرأة، وغيطالبو ايضا بتعديل مدونة لأسرة باش يولي اعتراف زواج المغربية بغير المسلم ومنع تعدد الزوجات .

وجاء فالإعلان ان الحركة غتناضل من اجل إنشاء آليات ديال الحماية من العنف لي كيتمارس على النساء والفيمينيست و هادشي داخل فيه الحق فالاجهاض.

وكن بين المطالب غيكون مطلب إصلاح القانون الجنائي باش يكون متلائم معا الدستور ديال 2011 ومع المعاهدات الدولية لي صادق عليهوم المغرب وهادشي كيضم إلغاء المواد لي كتجرم الحريات الفردية وتقوية المواد لي متعلقة بمحاربة الجرائم ضد الأطفال.

وللإشارة حركة “هي” هي حركة جديدة مكتنتمي لحتى حزب، مفتوحة للجميع بمقاربة بين جيلية مدمجة وأفقية تأسسات بفضل 7 مناضلات ومناضلين كيشتغلو على حقوق النساء.