كود -وكالات//

قدم وزير التعليم الهندي دارمندرا برادان الاستقالة ديالو، من بعد موجة احتجاجات كبيرة دارتها حركة شبابية معروفة باسم “حركة سراق الزيت”، فواحد من أكبر التحديات اللي واجهتها حكومة رئيس الوزراء ناريندرا مودي منذ وصل للحكم عام 2014.

وعرف فضاء “جانتار مانتار” المخصص للاحتجاجات فالعاصمة نيودلهي اعتصام لمئات المتظاهرين، وسط انتشار أمني مكثف، المحتجون أكدوا أنهم ما غاديش يخويو حتى يستاقل الوزير، وحملوه المسؤولية على اللي وصفوه بالفشل الكبير فتنظيم نظام الامتحانات فالبلاد خصوصا ديال الطب لي عرفات تسريبات وخلات بزاف ديال الطلبة ينتاحرو بعدما فشلو يدخلو للكليات.

وجات هاد التطورات من بعد مواجهات بين البوليس والمتظاهرين، مني ستعملات قوات الأمن الغاز المسيل للدموع والهراوات باش تفرق آلاف المحتجين اللي كانو باغين يمشيو فمسيرة لمقر البرلمان، هاد المواجهات خلات إصابة 178 واحد من المحتجين، بالإضافة إلى إصابة أكثر من 118 عنصراً من قوات الأمن.