قالت “السي ان ان” ان مسلحي غزة هجمو على مهرجان موسيقى اسرائيلي بمناسبة عيد العرش اليهودي فمنطقة ريفية قريبة من الحدود بين غزة وإسرائيل وطلقو عليهم القرطاس واحتجزوهوم.

واشارت ان هاد الهجوم كان اكثر هجوم مخططين ليه ومنسقين ليه مزيان. واوضحت القناة الامريكية فموقعها ان مئات الناس كانو فالمهرجان ناشطين كيشطحو فبلاصة مفتوحة مافيهاش فين يتخباو حتى بدات الصوارخ تقريبا مع 6:30 ديال الصباح كيفما صرح احد الحاضرين فالحفل للموقع.

واضافت “السي ان ان” ان حركة حماس سدات عليهم كاع الطرقان وفاش الناس بغات تهرب مالقاتش منين وتما بدا القرطاس نص مات واللي بقاو حيين داوهم رهائن كيفما وثقات فيديوهات منتشرة على مواقع التواصل الاجتماعي.