كود – وكالات//

علنات كتائب عزّ الدين القسّام، الجناح العسكري ديال حركة حماس، اليوم الاثنين 29 دجنبر 2025، على مقتل الناطق العسكري باسمها “أبو عبيدة”، وخرجات لأول مرة بالصور وكتأكد أن اسمو الحقيقي هو حذيفة سمير عبدالله الكحلوت.

البيان الرسمي ديال الكتائب هضر حتى على مقتل شي قادة عسكريين آخرين، بلا ما يعطي تفاصيل على فين وكيفاش وقع الاستهداف.

أبو عبيدة كان معروف بالدور الإعلامي ديالو فكتائب القسّام وبالصوت ديالو اللي كان كيوصل رسائل الحركة فالمواجهات مع إسرائيل، وبقى اسمو رمز إعلامي داخل وخارج الحركة لسنين.

هاد الخبر جا بعد مدة من الإشاعات اللي قالت أنه تستهدف فغارات إسرائيلية، ولكن الحركة ما خرجاتش بتأكيد رسمي حتى الوم.

هاد الإعلان كيشكل حدث مهم فالسياق العسكري والإعلامي ديال حركة حماس، وكيجي فواحد الوقت اللي كيزيد فيه الصداع فقطاع غزة.