كود ـ سبور//

بعدما رحل من الرجاء البيضاوي اللي رفضات تلبي مطالبو المالية، جمال حركاس ثبت راسو كأحد أفضل المدافعين فالمغرب اليوم، وأساسي بدون نقاش في صفوف الوداد البيضاوي.

مع عادل رمزي اللي قلب ثنائية الدفاع من زولا وفرحان لجمال حركاس وأمين أبو الفتح، لقى جمال حركاس راسو كمدافع تغطية ممتاز وسريع فالتدخلات ديالو.

هادشي بان فمقابلات البطولة، ولكن بشكل أكبر فدوري السوبر ليغ الإفريقي، اللي فالتقييمات ديما كيكون حركاس من أفضل اللاعبين فالمقابلات.

فالنهائي المنتظر، حركاس غادي يكون على موعد باش يأكد هاد التطور الكبير فالمستوى، وباش يربح أيضا، أول لقب قاري فالمسيرة ديالو.