كود سبور//

عبر الدولي المغربي جمال حركاس لاعب الوداد الرياضي، على الرغبة ديالو هو وصحابو بالفريق باش يمثلو الواك والكورة المغربية احسن تمثيل فكاس العالم للاندية 2025 الصيف الجاي فالمريكان، ضد فرق كبيرة.

وهضر جمال حركاس وقال فتصريح للموقع الرسمي ديال الاتحاد الدولي لكرة القدم “الفيفا”: “كانهضرو مع بعضنا ديما على كأس العالم للأندية فالولايات المتحدة الأمريكية، اللي غايشاكو فيها فرق كبار، ومجموعتنا صعبة بزاف حيث فيها أندية كبيرة بحال مانشستر سيتي، ويوفنتوس، والعين، ولكن اللاعبين ديالنا كايتسناو هذه الماتشات”.

ووضح حركاس: “حنا خدامين كانوجدو لها، وماتش مانشستر سيتي بقيادة بيب گودارديولا يعتبر تحدي خاص للوداد، بالنظر إلى سجل النادي النگليزي كبطل سابق لدوري أبطال أوروبا وبطل النگليز لعدة مواسم متابعة، وخاصنا نلعبو بنيفو طالع وبلا أخطاء، حيث هذه الماتشات كايتربحو بتفاصيل صغيرة”.

وكمل حركاس وقال: “اللاعبون واعيين بحجم المسؤولية اللي عليهم، ونقدرو نديرو مستوى يشرف كرة القدم المغربية، وما ننساوش شنو قدم منتخبنا المغربي من مستوى ونتائج فكأس العالم قبل عامين، واللاعبين رائعين اللي عندو واللي كايلعبو فبطولات أوروبا الكبيرة،

وهضر جمال حركاس على تحسن مستوى الوداد مع المدرب رولاني موكوينا، وقال: “تحسنا على مستوى النتائج مع المدرب موكوينا وغاديين معه مزيان، هو مدرب كبير وديما محفزنا باش نوجدو لكاس العالم للاندية بأحسن طريقة”.