وكالات//
حكمات السعودية على واحد المقيم، عندو الجنسية النيجيرية بغرامة ماطيحش على البال، القيمة ديالها أكثر من مليار ونص بسباب الأزبال.
هاد المقيم النيجيري، كتقول الصحافة ديال السعودية، متهم بأنه حرق شي أزبال صناعية ومخلفات واحد المصنع في مدينة مكة المكرمة، وهو شي لي كيمنعو القانون ديال البلاد.
دابا حكمات عليه كذلك أنه غادي يسد المصنع ديالو، حتى يأدي الغرامة، بالإضافة إلى مجموعة من العقوبات الإضافية.
ومعروفة أن السعودية متشددة بزاف فهادشي ديال الزبل خاصة بالنسبة للزبل لي جا من لوزينات الصناعية.
