وكالات//

نايضة حرب ديال ماطيشا بين فرنسا والصبليون بسباب واحد التصريح ديال الوزيرة الفرانساوية السابقة سيغورين رويال.

الوزيرة الفرانساوية خرجات فواحد التصريح كتهاجم فيه ماطيشا ديال الصبليون وكتقول أنها غير صالحة للأكل، وماشي عضوية، وكتضر ف الصحة.

هاد التصريح غضب بزاف المسؤولين ديال الصبليون لي اعتابرو التصريحات ديال الوزيرة الفرانساوية “مهينة” وطالبو السلطات ديال فرنسا بالتوضيح، وقالو أن ماطيشا ديالهم هي الأحسن والأجود في العالم.

هاد التصريح جا فالوقيتة لي فرنسا كتعرف فيها إضرابات خايبين ديال الفلاحة والمزراعين، ولي حتى هما كيعتابرو ماطيشا والمنتجات الفلاحية ديال الصبليون كتأثر عليهم وعلى نشاطهم.