سامي العلوي -كود كازا //
وقعات اليوم صباح الاحد مضاربة خطيرة ودموية، بين مجموعة من المهاجرين جنوب الصحراء، بمنطقة عين حرودة ضواحي كازا.
فهاد لمضاربة تستعملو السيوفا والجناوى، ومصادر كتقاو ان جوج أفارقة ماتو وتصابو 9 منهم، 3 اصابة خطيرة استدعى نقلهم على وجه السرعة المستعجلات لتلقي العلاج .
مصادر “كود ” قالت ان هذا الحادث اللي زرع الخوف وسط ساكنة عين حروبة خلف استنفار امني وسط القوات العمومية اللي جات لعين المكان.
وقالت المصادر ان فور وصول القوات العمومية بدات تفكيك المخيمات اللي نصبوا المهاجرين للحد من هاد الصراع في ما بينهم.
وفتحت الضابطة القضائية بمركز عين حرودة تحقيق فالموضوع ، وذلك للكشف عن ظروف وملابسات هاد الواقعة الأليمة.
