كود سبور//

بانت مؤخرا مجموعة من المنشورات والتعاليق بنفس المحتوى والجمل تاستهدف التواصل ديال الجامعة والمنتخب الوطني فهاد التجمع الإعدادي

مجموعة من المنشورات عايناتهم “كود” فتويتر بنفس الكلمات والجمل والأفكار وكأنها حملة ممنهجة وانطالقات دقة وحدة.

خبير فالتواصل هضرات معه كود قال ليها أن تواصل المنتخب الوطني يعتبر من الأفضل عالميا وهو الأفضل عربيا وافريقيا بفارق كبييير

الصفحة ديال المنتخب فانستغرام من بين الأكبر عالميا وهي الأولى عالميا من ناحية التفاعل حسب معطيات حصرية حصلات عليها كود (الصورة رفقه)

نفس الخبير أكد بلي المحتوى لي تاتنشر الصفحة كثير بزاف وفايت كاع المتوسط يعني هاد الانتقادات ما عندها أساس وباينة حملة ممنهجة

ربما هادشي حرب وكالات تواصل بحال الحروب فالمجالات الأخرى لأنه شي وكالات تايهمها غير ضرب الفلوس بلا خدمة مقادة.