كود كازا//

حرب التموقع والمناصب داخل الحركة الشعبية، دار انقسام وسط القيادية الحزبية، هادشي بان فاختيار رئيس لجنة العدل والتشريعي بمجلس النواب، لي كان فيها محمد الاعرج لي طاح فالانتخابات الجزئية.

امحند العنصر، الامين العام للحزب، طبعا المقرب جدا من المرأة القوية حليمة العسالي، اتفق مع حكماء الحزب يختارو محمد فضيلي، لي طلع فالانتخابات الجزئية باقليم الدرويش.

العنصر اختار واحد من قدماء الحركة الشعبية، وبعد عليه البرلمانيين لي عندهم الوسخ فتاريخهم ومنهم طبعا لي مدان فقضايا فساد مالي بحال البرلماني المعروف بـ”كشة مشة” عبد النبي عيدودي.

واستعبد العنصر، باقي المرشحين، للحفاظ على وحدة فريقه النيابي.

وكشف ذات المصدر بلي كان 6 مرشحين فالأول من بعد ولاو 3 بعدما انسحب ثلاثة نواب من المنافسة. منهم عبد النبي العيدودي المدان فجرائم الأموال بحكم ديال الاستئناف،

وفق مصدر “كود”، كان المرشحين لي بقاو فالتنافس هزما هوما عادل السباعي، ومحمد فضيلي لي استرجع مقعدو البرلماني فالانتخابات الجزئية، محمد مبدع الوزير السابق ورئيس الفريق النيابي سابقا.

مصدر داخل المكتب السياسي للحركة الشعبية، قال لـ”كود” بلي ترشيح مبدع مستبعد نظرا للقضية لي عندو فالمحكمة، وكذلك رغبة الحزب فعدم احراجه اعلاميا.

قرار العنصر أكد بلي مبدع ماعمرو يحمل بشي منصب فالبرلمان بسبب شبهات تورطه في ملفات فساد .