كود ـ سطات//

شهدات مدينة سطات، وبالضبط شارع الحسن الثاني، مساء اليوم الثلاثاء 25 نونبر، لحظات عصيبة بعدما وقعات كسيدة خطيرة ثانية مباشرة من بعد الحادثة اللي كانت مميتة وراحات ضحيتها مرا فالخمسينيات من العمر.

فهاد المرة، وعلى مستوى مدارة “العود” رمز سطات والواقع فمركز المدينة، بحيث كاميو (رومورك) صدم دراجة نارية كان سايقها شاب. الاصطدام كان قوي بزاف، الأمر اللي أدى لوفاة الشاب في البلاصة.

وعلى قبل هاد الكسيدة رجعات البومبية من جديد والبوليس ديال حوادث السير بولاية أمن سطات، ودارو الإجراءات المعمول بها، قبل ما يتم نقل جثمان الضحية لمستودع الأموات فالمستشفى الحسن الثاني بسطات.

سطات اليوم كتعيش واحد الوضع اللي كيخلي الجميع يقول: “وابزاف هادشي..”.