كود الرباط//

البارح فجلسة عمل لي ترأس الملك محمد السادس، واللي تخصصت لقطاع الإسكان والتعمير، تعلن فيه عن إحداث إحداث 12 وكالة جهوية للتعمير والإسكان مع الأخذ بعين الاعتبار خصوصيات المجال الحضري والعالم القروي على حد سواء.

هاد 12 وكالة جهوية غادي يتم إحداثها أجل التمكن من تنزيل برنامج المساعدة على السكن ومواكبة عملية تجديد التخطيط العمراني والمجالي.

وحسب مصادر “كود” فإن هاد الإعلان بمثابة نهاية المشكل ديال التعمير فكازا، غاتولي وكالة جهوية هي لي غاتحط الاستراتيجية ديال التعمير فجهة كازا.

هاد الوكالة كتعني أن سلطة التعمير غاتولي فالجهة بحال مركز جهوي استثماري عقاري كايدير التخطيط استراتيجي، في حين أن الوكالة الحضرية كادير ما هو تسيير حضاري على مستوى العمالات والاقاليم.

دبا وثائق التعمير لي كيمشيو يتوقعو فالإدارة المركزية غاتبقا توفع على مستوى هاد الوكالة، فإطار تنزيل الجهوية. هاد الوكالات الجهوية غايولي عندها مدير عام هو من يتحمل المسؤولية فأي حاجة وقعات.
اليوم بمجرد التكلم عن 12 وكالة جهوية هي اعلان وفاة وكالة كازا لي تحت وصاية الداخلية بوحدها فالمغرب عكس باقي الوكالات الحضرية.

هادشي مجاش من فراغ، بل جاء من خلاصات مخرجات الحوار الوطني منذ تحمل فاطمة الزهراء المنصوري مسؤولية القطاع واللي عطات ليه.رؤية جديدة للاسكان والتعمير.

المنصوري سبق وجبدات هاد الموضوع فالبرلمان قدام وزير الداخلية عبد الوافي لفتيت. قالت باللي لا يعقل يبقى التعمير فشي بلايص تابع للداخلية وهدرات على المشاكل. دبا المشكل سالا مع الوكالة الجهوية.
كيفاش وزارة الداخلية هي اللي كتحكم فالتعمير من عهد البصري. بوحدها اللي ما تابعات لوزارة التعمير. دابا هاد المرحلة سالات.

من أكبر المهام لي غاتكلف بها هاد الوكالات هي تنزيل برنامج الدعم المباشر للسكن، البرنامج الجديد، واللي كيهم الفترة ما بين 2024 و2028، من خلال مساعدة مالية مباشرة لمقتني السكن. ويستفيد منها المغاربة المقيمون بالمغرب أو بالخارج، الذين لا يتوفرون على سكن بالمغرب ولم يسبق لهم الاستفادة من مساعدة خاصة بالسكن.

وسيتم تحديد مبالغ المساعدة حسب قيمة السكن الذي يتم اقتناؤه. وهكذا، تم تحديد مبلغ المساعدة في 100 ألف درهم من أجل اقتناء مسكن يقل ثمن بيعه أو يعادل 300.000 درهم مع احتساب الرسوم، و70 ألف درهم لاقتناء مسكن يتراوح ثمنه ما بين 300.000 درهم و700.000 درهم مع احتساب الرسوم.