كود – كازا ///
تسبب حراگ مغربي فعمرو 39 عام في حالة استنفار وسط الشرطة الإيطالية بمدينة بادوفا، بعد هروبه من مركز احتجاز أيام قليلة قبل تنفيذ قرار ترحيله إلى بلده الأًصلي.
وحسب جورنالات طاليانية، هرب المعني بالأمر غير باش يسلخ صاحبتو اللي تفارق معاها. البوليس طاردوه وسط المدينة بأسطول ديال الطوموبيلات.
وأسفرت مطادرة الهارب المغربي عن حوادث سير بين سيارات الشرطة والطوموبيل ديالو، اللي تخلى عليها في الأخير وهرب على رجليه وهاجم بعنف ضباط الشرطة.
وجرت الواقعة نهار الخميس 19 شتنبر الحالي، وتسبب لضحاياه من ضباط البوليس فـ إصابات تستدعي مابين 7 إلى 12 يوم للراحة بناءا على أوامر الأطباء.
ووصل المعني بالأمر إلى إيطاليا فـ 2007، وظل يعيش بشكل غير قانوني، وعندو سجل إجرامي بتهمة الاتجار بالمخدرات والسرقة وممارسة العنف ضد الشريكة السابقة، بالإضافة إلى إساءة معاملة الأسرة.
