كود – كازا ///

قال موقع لابانديرا الإخباري، أن مهاجر غير شرعي ف اسبانيا كيحمل الجنسية الغينية وعندو 23 عام ف عمرو حاول،  الجمعة، يغتصب شابة مغربية (28 عام) ف سونطر ديال مدينة قرطاخنة.

وتم تأكيد الخبر من طرف ريكاردو فيريس، المفتش السابق للشرطة الوطنية. ووقعات الجريمة ف الشارع المركزي للمدينة. وبعد محاولته الإجرامية، تمكن الجاني من الهرب، لكن البوليس شدوه واخا قاوم بشدة الاعتقال ديالو.

وتصاب ضابط شرطة خلال توقيف المعني بالأمر، حيث أصيب بكسر ف صبعو بسباب رد الفعل العنيف ديال هاذ الحراگ. ووفقًا لرواية الشابة، قام الجاني  بترهيبها وطلب منها تسليم البورطابل ديالها، قبل ما يشدها صحة ويلوحها على الأرض ونزل ليها سروالها..

الضحية بدات كتغوث طلبا للمساعدة، وهو ما جذب انتباه العديد من المارة اللي جاو بالزربة يشوفو آش واقع. المتهم هرب. أما الضحية فقد أصيبت بجروح، وتم علاجها في أحد المراكز الصحية.