كود  الرباط//

التجار نجحو فواحدة من أقوى حملات التعبئة ديال المقاطعة اللي استهدفات منتوجات ’’الشركة المغربية للتبغ”، واللي جات بإشراف وتعبئة من الاتحاد المغربي للتجار والمهنيين.

بلاغ من المكتب الوطني ديال الاتحاد للي تابع لنقابة UMT قال باللي التعبئة كانت قوية وشاملة، والتجار فمختلف المناطق قالو كلمتهم ومشاو فقرار المقاطعة، رغم كل محاولات التشويش والضغط اللي كانت كتسعى تفشل هاد الخطوة.

وطالبت نقابة التجار بحوار جدي ومسؤول مع الجهات المعنية، خصوصًا على المشكل الكبير ديال ’’هامش الربح”، اللي ولا ما كيناسبش وكيضر بواف التجار الصغار والمتوسطين.

المكتب الوطني جدّد الدعوة للتجار باش يبقاو مجموعين ومواكبين لهد المعركة، اللي الهدف منها ماشي غير المقاطعة، ولكن إصلاح الوضع التجاري للي كتربح فيه بزاف شركات التبغ.

المقاطعة تحددت من 2 حتى 12 أبريل، اي عشرة أيام ديال مقاطعة منتجات الگارو.