گود سبور//

غايسبق افتتاح كاس افريقيا “المغرب2025″، حدث مهم بالنسبة لكرة القدم الإفريقية وحتى هو غايكون فـ المغرب.

الجنوب إفريقي باتريس موتسيبي رئيس الاتحاد الأفريقي لكرة القدم، اتفق مع أعضاء اللجنة التنفيذية للكاف خلال الجمعية العمومية 47 اليوم الاثنين بالعاصمة الكونگو الديمقراطية كينشاسا، على اقامة لقاء وحفل مهم بالمغرب يوم 20 ديسمبر الجاي، غايجمعو فيه مستثمرين كبار من إفريقيا والعالم، باش يديرو صفقات ويسنيو مشاريع كاتهم الكورة الإفريقية وتطويرها.

باتريس موتسيبي عارف مزيان دور المغرب فـ تطوير كرة القدم العالمية، وقال بالحرف أن كاس افريقيا “المغرب2025” اللي غاتكون ما بين 21 ديسمبر 2025 و 18 يناير 2026، مكانها هو المغرب كخيار أول والمغرب كخيار ثاني والمغرب كخيار ثالث، وأكد الثقة ديالو فـ المملكة المغربية لتنظيم أحسن نسخة من كوب دافريك فـ التاريخ.