گود سبور//

واقع مشكل كبير فـ فرنسا، حيث رابطة الدوري الفرنسي عاودت برمجت الكلاسيكو بين باريس سان جرمان وأولمبيك مارسيليا ضمن البطولة الفرنسية فـ نفس الوقت اللي فيه حفل الكورة الذهبية.

رابطة الدوري الفرنسي قررت تأجيل ماتش اولمبيك مارسيليا من اليوم الاحد مع 8 اللاروب ديال الليل، بسبب الشتا والرعد فمدينة مارسليا، ومن وراها أعلنت على التوقيت الجديد وبرمجت الماتش غدا الاثنين مع 8 الليل.

هذا الموعد الجديد ديال الكلاسيكو خالق أزمة كبيرة دابا بفرنسا، حيث هو الوقت اللي غايكون فيه حفل توزيع جوائز الكورة الذهبية اللي كاتعطيهم مجلة “فرانس فوتبول” وكاينين 8 اللاعبين من باريس سان جرمان من بينهم النجم المغربي أشرف حكيمي مرشحين ضمن 30 لاعب للتتويج بالبالون دور، وخاصهم يكونو فالحفل، ولكن دابا حضورهم مهدد، وكلشي كايتشكى من قرار المسؤولين على بطولة فرنسا وكيفاش اختارو هذا الوقت وهما ديجا عارفين أنه فيه كاين حفل الكورة الذهبية.