الرئيسية > آش واقع > حتى نقابة الأطباء كاعية من الخدمة فمراكز التلقيح نهار ثاني عيد: إلى رتاحو الاطر الطبية حتى للإثنين غيخدمو بمردودية أكبر
14/05/2021 16:20 آش واقع

حتى نقابة الأطباء كاعية من الخدمة فمراكز التلقيح نهار ثاني عيد: إلى رتاحو الاطر الطبية حتى للإثنين غيخدمو بمردودية أكبر

حتى نقابة الأطباء كاعية من الخدمة فمراكز التلقيح نهار ثاني عيد: إلى رتاحو الاطر الطبية حتى للإثنين غيخدمو بمردودية أكبر

كود كازا//

عبرات النقابة المستقلة لأطباء القطاع العام على الغضب ديالها من قرار وزارة الصحة بوجوب العمل يوم ثاني عيد فمراكز التلقيح، وقالت أن هذا قرار “اتجالي” و”متسرع”، من شانو يصادر حق الشغيلة فالاستفادة من عطلة العيد، فالوقت اللي الضغط عليها كبير بزاف وكتعاني من الإرهاق.

وطالبات نقابة الاطباء من الأطباء اللي تابعين ليها بعدم الامتثال لهذ التعليمات “غير القانونية”، كيف وصفتها، خصوصا وان الاطباء ماستفدوش من حقهم الطبيعي والإداري فالعطلة السنوية، بالإضافة لتحملها العمل يوم السبت، دون التمكن من تفعيل التناوب المقترح في أغلبية المناطق.

وقالت النقابة انها ماكتشوفش الداعي من الاستعجال فالعمل بالتطعيم لا يوم الجمعة ولا السبت، وان الطاقم الى رتاح اليوم وغدا غادي يضاعف المردودية ابتداء من يوم الاثنين 17 ماي، خصوصا وان الاطر الصحية كتضمن لعموم المواطنين خدمات استعجالية 24 على 24، كيف قالت النقابة.

موضوعات أخرى

18/06/2021 20:00

 لمغاربة مشاو عند اليمين المتطرف الطالياني باش يرد على اليمين المتطرف الصبليوني. سالفيني كيشكر فمجهودات المغرب لمحاربة الهجرة 

18/06/2021 18:20

انتخابات اللجان الإدارية فـ قطاع التربية الوطنية.. نسبة المشاركة فـ صفوف نساء ورجال التعليم وصلات لـ57 فالمية – أرقام