الرئيسية > كود سبور > حتى مجتمع إنساني ما كيقبل المغتصبين: البارصا تبراو من داني ألفيس المحكوم بالحبس فقضية اعتداء جنسي ومسحو سميتو
27/02/2024 15:50 كود سبور

حتى مجتمع إنساني ما كيقبل المغتصبين: البارصا تبراو من داني ألفيس المحكوم بالحبس فقضية اعتداء جنسي ومسحو سميتو

حتى مجتمع إنساني ما كيقبل المغتصبين: البارصا تبراو من داني ألفيس المحكوم بالحبس فقضية اعتداء جنسي ومسحو سميتو

گود سبور//

جميع المجتمعات الإنسانية فالعالم اللي كتحترم راسها كتدين جرائم الاغتصاب والاعتداءات الجنسية، كيفما كان نوع المرتكب ديالها والصفة ديالو والطبقة اللي كينتمي لها، وهذا الشي اللي وقع دابا فإسبانيا وبالضبط فالبارصا النادي الشهير اللي تبرا من النجم السابق ديالو البرازيلي داني ألفيس اللي تحكم بالحبس فقضية اعتداء جنسي.

وحسب الإعلام الإسباني ومن بينهم “ماركا” و”سبورت”، قررات إدارة البارصا تحيد صفة “أسطورة” للنجم السابق للفريق داني ألفيس، وهاد الشي حيث تحكم عليه بالحبس من قضاء مدينة برشلونة الإسبانية وتمت الإدانة ديالو باغتصاب بنت وعطاوه 4 سنين و6 أشهر.

ونفس المصادر وضحت أن البارصا تسناو حتى صدر حكم القضاء فحق داني ألفيس، والبارح الاثنين قرر النادي تجريد داني الفيس من صفة أسطورة فالبارصاء، وهي الصفة اللي ماشي أي لاعب كياخذها من النادي، وحيدوه من لائحة أساطير البارصا اللي العدد ديالهم 102 لاعب، مع العلم أن النجم البرازيلي المدان هو ثاني أكثر لاعب ربح الألقاب بـ43 لقب، بعد الأسطورة الأرجنتيني ليونيل ميسي.

موضوعات أخرى

16/04/2024 17:30

فاقدين الأمل فجلسة مجلس الأمن حول الصحرا.. وزير خارجية الجزائر مشا لنيويورك باش يدعم عضوية فلسطين فالأمم المتحدة

16/04/2024 17:10

ملف اختلاس فلوس مخالفات السير ففاس.. غرفة الجنايات برئاسة المستشار لحية كتستمع من الصباح لأزيد من 30 بوليسي قبل انطلاق المرافعات

16/04/2024 16:40

صندوق النقد الدولي كيتوقع توصل نسبة النمو فالمغرب لـ3.1 فالمية ف2024 و3.3 فالمية فعام 2025

16/04/2024 16:30

النيابة العامة حجزات على الممتلكات ديال رئيس قسم الميزانية والصفقات بولاية جهة فاس ولقاوه شاري طوموبيلات غالية بزاف وفيرمة

16/04/2024 16:15

الوداد والرجاء ومعهم 2 فرق مغربية ضمن 15 أحسن فريق إفريقي باغيين يشاركو فالسوبر ليگ الإفريقي