گود سبور//

بدات فرنسا كاتبين على الموقف ديالها تجاه السويسري جياني انفانتينو رئيس الاتحاد الدولي لكرة القدم، وبعدما إلتزم الاتحاد الفرنسي الصمت فهاد الأزمة، فالإعلام الفرنسي كشف ان اتحاد بلادو غادي يكون معارض لرئيس الفيفا وضد انه يترشح لولاية رئاسية جديدة.

وكشفت شبكة RMC الفرنسية، ان الاتحاد الفرنسي لكرة القدم برئاسة فيليب ديالو غادي يكون معارض لرئيس الفيفا جياني انفانتينو، وانه غادي يعلن الموقف ديالو بعد اجتماع اللجنة التنفيذية للاتحاد الفرنسي لكرة القدم، وفرنسا حتى هي غادي تمشي مع المعارضين لانفانتينو.

اجتماع اللجنة التنفيدية للاتحاد الفرنسي لكرة القدم، غادي يكون يوم 8 سبتمبر الجاي، وحسب الشبكة الفرنسية، وفيه غادي تكون المصادقة على قرار سحب الثقة من انفانتينو، ويمشي الاتحاد الفرنسي مع الاتحاد الأوروبي لكرم القدم فمعارضة رئيس الفيفا.