كود سبور//

تسببت قشور الزريعة اللي كايكلوها الجمهور فمشكل فتيران فريق إلتشي المنافس بالقسم الثاني من بطولة الصبليون، وقررت إدارة النادي منع أكل الزريعة فالتيران.

ووضحو إلتشي فبلاغ لجمهورهم، أن الأكل ديال الزريعة تسبب فمشكل فتيران مارتينيز فاليرو، وهي مشكلة هيكلية وقشور الزريعة خنقت القدوات، وكاتوسخ الكراسا ديال التيران والأرض وكاتزيد تغلي تكاليف التنظيف والصيانة وكاتجيب الطوبات والحمام، وغيرها من المشاكل الصيحة والبيئية.

هذه المشكل ديال الزريعة اللي كايكلها الجمهور فالتيران، راه مطروح حتى فالتيرانات المغربية، حيث شحال من مشجع  كايجيب معها درهم زريعة ياكلها فالتيران وكايخلي الزبل مليوح ويزيد بحالو، وهذا الشي راه كايعذب عمال النظافة، واش غايطبق عليهم نفس القرار؟؟؟