كود -moneycontrol//

القرد الصغير الياباني ’’بانش”، اللي كان طلع تراند بعدما رفضاتو مو وهو مازال صغير، لقا الحنان فمونكية ولي كان كيهزها معاه فحديقة الحيوانات فين ما مشى حيت كان كيعتبرها الحنّانة فبلاصة مو لي نفراتو مورا ما ولداتو.

ومع الوقت، كبر بانش شوية وبدا كيندمج مع القرودة الاخرين، حتى لقا حب قلبو واحد القردة سميتها مومو-تشان، اللي ولى ما كيتفارقش معاها.

الكوبل بان منساجم بزاف، خصوصاً أنهم متقاربين فالعمر وكاين بيناتهم واحد “الفيلينغ” قوي، زوار الحديقة صوروهم وهوما كيتعانقو، كيتباوسو وكيلعبو مع بعضياتهم.

الفيديوهات ديالهم انتشرات بزاف فالسوشيال ميديا، وعلّقو بزاف ديال الناس أن بانش أخيراً لقا العوض والحنان اللي ما لقهاش مني تزاد، ولكن هاد المرة مع عشيرتو الجديدة.

https://www.moneycontrol.com/news/trends/internet-s-favourite-monkey-punch-now-has-a-girlfriend-momo-chan-videos-of-duo-kissing-cuddling-go-viral-13865749.html