نجوى المالحي-كود//

المغنية اليمنية بلقيس كتحماق على المغرب وهادشي كيخليها مرة فالعام تخرج أغنية مغربية لي كدير الملايين ديال المشاهدات وكتشد الطوندونس في العالم العربي.

الاغنية الجديدة سميتها -طاوعك قلبك – صوراتها على طريقة الفيديو كليب مع الممثل المغربي عبد الله رشيد، واخراج عبد الرفيع العبديوي لي كتعامل معاه المغنية لثاني مرة.

الاغنية تصورات فمدينة تطوان، كاملة ألوان وحياة وجمال، وشادة طوندونس فالمغرب وفرانسا وحتى صبنيول.

الجديد طلقاتو ايام قليلة قبل الحفل المرتقب فمهرجان موازين هاد السيمانة.