وكالات//

فجريمة خلات الناس مصدومين، تقتلات نجمة تلفزيونية رومانية كانت حاملة فـ شهرها السابع، بالرصاص فواحد من شوارع العاصمة بوخاريست، وهي هازة بنتها الرضيعة فـ حضنها.

وحسب جريدة “ميرور” البريطانية، كيتقال أن تيودورا ماركو، اللي كانت معروفة فـ برنامج “إنسولا إيوبيري”، تقتلات بدم بارد على يد خليلها السابق، اللي من بعد ما حاصروه البوليس، دار السلاح على راسو وتيرا.

تيودورا، اللي كانت فـ عمرها 23 عام، كانت هازة بنتها اللي عندها ثلاث سنين، ملي جا القاتل المشتبه فيه، روبرت لوبو، اللي فـ عمره 49 عام، وتيرى عليها من قريب.

وأكدات مصادر أن تيودورا سلات علاقتها معاه بعدما عرفت أنه كان كيكذب عليها ومزوج، لكن هو ما قدرش يتقبل نهاية العلاقة.