وكالات//

صحف فرنساوية قالت بللي انهيار ضرب الطريق الرئيسية فمنطقة سافوي لي كتربط بين فرنسا وطاليان، وهادشي قطع الحركة ديال السكك الحديدية بين هاد جوج دول على مستوى منطقة موريان جنوب شرق فرنسا.

الرئيس ديال مركز جبال الألب الشمالية فوكالة الأرصاد الجوية الفرنسية دينيس رويلا قال بللي الانهيار وقع بسباب الشتا لي كانت كثيرة والموجة الحارة لي ضربات جبال الألب، وترانات لي كتمشي من هاد طريق كلهم حبسو حتا تفك هاد الروينة على خير.

الوزير ديال النقل الفرنساوي كليمان بون قال باش ترجع الأمور كيف كانت خاص شويا ديال الوقت، او واعد الناس بلي غيدير كثر من جهدهم باش تسرح طريق فأسرع وقت.