كريم الصوفي – كود//
[email protected]
قال موقع “levante-emv”، أن حباس مغربي ف سجن أنطوني أسونسيون في بيكاسنت (بلنسية) قدر باش يسلت من الحبس واخا معندو حتا “خطة هروب”. هاذ الحباس اللي كيقضي عقوبة حبسية بسبان عصيان تعليمات السلطات خلال جايحة كورونا، كان عندو لقاء مع ضابط قضائي ومنين كان راجع لقا الباب محلول.
وأضاف الموقع ذاته، أن السيد صدق هارب غير بالضحك ولقا ابواب أخرى محلولة ومشا شرب شي حاجة ف كافيتيريا ديال الحبس واختلط بالناس اللي جايين يزور الأقارب ديالهم اللي مشدودين ومن بعد قدر باش يخرج من الباب الرئيسي قدام جميع الحراس اللي سحاب ليهم جاي يزور شي واحد. وبعد تسع ساعات من هروب السجين، أصدرت محكمة بيكاسنت مذكرة تفتيش واعتقال ضد السجين الهارب..
