الرئيسية > آراء > حاليا وقد أعلن المغرب سحب القوات ديالو من التحالف العربي على اليمن، واش ماشي من المنطقي حكومة وشعبا أننا نعتاذرو للشعب اليمني
08/02/2019 11:30 آراء

حاليا وقد أعلن المغرب سحب القوات ديالو من التحالف العربي على اليمن، واش ماشي من المنطقي حكومة وشعبا أننا نعتاذرو للشعب اليمني

حاليا وقد أعلن المغرب سحب القوات ديالو من التحالف العربي على اليمن، واش ماشي من المنطقي حكومة وشعبا أننا نعتاذرو للشعب اليمني

محمد سقراط – كود///

الحرب على اليمن عبثية وبلا معنى وتقتيل أطفال وشعب اليمن راه جريمة، خصوصا أن دول أخرى كتحارب مع بعضياتها على أرضهم، هوما ديما محاربين بيناتهم ولكن كانو مسلكين أمورهم وشغلهم هاداك، ومشاركة المغرب فيها جزء من العبث الكبير لي داير فديك المنطقة ولي معندنا فيه لا ناقة ولا جمل، ولكن بحكم التحالفات لي كانت دايرة البلاد فعادي أننا كنا نشاركو مقابل حاجات خريين، كيما العالم كامل كيدير بدوله الفقيرة والغنية، أنك تعيش هاكة صولو مايمكنش ضروري من تحالفات مع دول عندها العاقة والكلمة باش تغطى فيها، والمغرب هادشي لي كان داير، ولكن للأسف بحال كاع المغاربة لي كيتشكاو من صحابهم ماصدقوش هاكة وقع للبلاد كلها صحابها ماصدقوش.

حاليا وقد أعلن المغرب سحب القوات ديالو من التحالف العربي على اليمن، واش ماشي من المنطقي حكومة وشعبا أننا نعتاذرو للشعب اليمني لي تقصف بالطائرات ديالنا واخا عمر شي يمني ماوصلنا بشي حاجة، وأننا غير كنا مسخرين لوحدين جابلينا الله صاحبنا وخوتنا ساعة صدقو غير لاعبين معانا، واخا هو حقا أن علاقة المغرب والسعودية تاريخية وديما كانت مزيانة حتى جا هاد بنسلمان عاد بدات كتقواد عليها، وتقدر ترجع مزيانة مستقبلا راه السياسة هادي مافيهاش حلفاء أو أعداء دائمين كولشي كيتبدل.

غير هو لي ماغاديش يتبدل هو الكارثة لي دارها التحالف العربي فالشعب اليمني والقصف فيه ليل ونهار، ولي ماغاديش يرجع للحياة هوما دوك الأطفال والنساء والرجال لي ماتو قصفا أو جوعا أو مرضا بأبشع الظروف بسباب هاد التحالف لي كان مشارك فيه المغرب، وداك الطيار المغربي لي كبروه واليديه وقراوه وحتى هو ناضل وكافح باش يولي طيار عسكري وفاللخر يموت فأرض بعيدة عليه بالاف الكيلمترات مشارك فحرب لا ناقة له فيها ولا جمل، خبر سحب القوات المغرب خبر كيفرح بزاف، لأنه أخيرا غادي يرجعو وليدات المغاربة من ديك القهرة، حيت لي عودنا عليه الجيش المغربي هو بطولاته فقوات حفظ السلام فكسوفو و إيفريقا، ماشي المشاركة فحرب عبثية بلا معنى.

موضوعات أخرى