وكالات//

خضعات كيم هول، اللي عندها 57 عام وهي من أستراليا، لعملية جراحية باش ترجع تبني فمها من بعد إصابتها بسرطان الخلايا الحرشفية فالفك السفلي، باش تكتاشف من بعد أنها ولات كتعاود هضرتها بلهجة إنجليزية شمالية ما كانتش متوقعة.

حالة كيم، اللي ما زارتش بريطانيا فحياتها، هي حالة نادرة كايسموها “متلازمة    الأجنبية”.

من بعد أسبوع من العملية، لاحظت العائلة ديالها التغيير فصوتها، حيث قالت الأخت ديالها: “كاتبان بحال شي سيدة فخمة بزاف3.

وقالت كيم: “كنت كنظن أنهم ما فاهمينش مزيان، ولكن من بعد ما داز الوقت، بديت نلاحظ التغيير ففمّي”. وبلا ما تبقى هضرتها الأسترالية الأصلية، ولات هضرتها كتجي بحال لهجة من منطقة يوركشاير فالمملكة المتحدة.

“متلازمة اللهجة الأجنبية” هي اضطراب نادر كايكون فالغالب بعد السكتات الدماغية أو الإصابات فالمخ، ولكن فحالة كيم، التغيير فاللهجة كان بسبب الجراحة. وقالت كيم على التحديات اللي كتواجهها بسبب هاد التغيير: “كنحس بالإحباط بزاف حيت ما قادرش نطق بعض الكلمات”.

ورغم صعوبة التكيف مع هاد التغييرات، كيم بقات متفائلة، وقالت: “أنا عايشة، وما كيهمنيش كيفاش كنتكلم”، وزادت وقالت أنها ما بغاتش تستسلم، وكتأمل تشوف المستقبل بتفاؤل.