الرئيسية > كود-تيفي > حالة الريسوني الصحية خايبة بزاف.. ومراتو لـ”كود”: راجلي تشلل وخلاوه مليوح فالسبيطار بلا سيرو.. وخاص إدارة السجون تحمل مسؤوليتها
11/05/2021 18:00 كود-تيفي

حالة الريسوني الصحية خايبة بزاف.. ومراتو لـ”كود”: راجلي تشلل وخلاوه مليوح فالسبيطار بلا سيرو.. وخاص إدارة السجون تحمل مسؤوليتها

حالة الريسوني الصحية خايبة بزاف.. ومراتو لـ”كود”: راجلي تشلل وخلاوه مليوح فالسبيطار بلا سيرو.. وخاص إدارة السجون تحمل مسؤوليتها

كود كازا//

كشفات مرات الصحافي المعتقل سليمان الريسوني، خلود المختاري، أن حالة راجلها خطيرة، بعدما تشللات رجليه ليمنية بسباب مضاعفات إضرابو على الماكلة.

ولبارح تهز الريسوني للسبيطار ديال عكاشة، لكن كتقول المختاري، فتدوينة ليها، أن واحد من الدفاع ديالو دخل باش يشوفو، ومالقاهوم دايريليه والو، بحيث خلاوه غير كَالس وماخداش الرعاية اللازمة، وحتى السيروم ماعاطينهلوش.
https://m.facebook.com/story.php?story_fbid=943360303132189&id=100023746840914

وفتصريحها ل”كود”، قالت المختاري أن هذشي ماشي معقول، خصوصا وانه داير إضراب عن الماكلة هذي 34 يوم، وحالتو الصحية مقلقة، بحيث صعوبة تحريك الأطراف من ساقين أو ذراعين كيكون نتيجة لهذ الإضراب.

وقالت المختاري أنه ماعندها حتى تفسير على هذشي اللي واقع، وهذ الإهمال اللي طال الريسوني، وطالبات من إدارة السجن بالتوضيح، وتحمل مسؤوليتها إلى وقعات لراجلها شي حاجة.

وتواصلات “كود” مع مسؤول بمديرية السجون  للتحقق من صحة هذ الكلام، لكن مازال للآن ماتلقات جواب، وعلى الأرجح غيكون بلاغ للرد على هذشي.

والمختاري هي ومجموعة من الحقوقيين، بالإضافة لوالدي الصحافي المعتقل عمر الراضي، كاينين دابا فاعتصام لليوم الثاني قدام سجن عكاشة، للمطالبة بإطلاق سراح الصحفيين.

موضوعات أخرى

13/06/2021 20:00

“لارام” بدات تنزيل تعليمات الملك بخصوص تسهيل عودة مغاربة الخارج بأثمنة مناسبة.. طلقات عملية استثنائية خصصات ليها 3 ملايين مقعد