وكالات//

مات المخرج وكاتب السيناريو الميريكاني المشهور روبرت بينتون، الحاصل على ثلاث جوائز أوسكار، عن عمر 92 سنة فدارو فمدينة مانهاتن، حسب ما قالو ولدو جون، اللي أكد أن الوفاة كانت “لأسباب طبيعية”.

وامتد الطريق المهني ديال بينتون أكثر من 40 عام، وكان ليه دور كبير فإعادة تشكيل السينما الأمريكية، خصوصاً فآخر الستينيات والسبعينيات، وخلّى بصمتو فبزاف ديال الأفلام الشهيرة فهوليوود.

تشهر بينتون بالمشاركة فكتابة فيلم “بوني وكلايد” مع ديفيد نيومان، وهو فيلم لي كيعتبر نقطة تحول كبيرة ف تاريخ السينما الميريكانية، وفتح الطريق لموجة جديدة وجريئة وحديثة فهوليوود. ورغم أن الفيلم أخرجه آرثر بن، إلا أن طريقة الكتابة ديال بينتون ونيومان كانت الأساس فنجاحو.

بينتون ربح ثلاثة ديال جوائز الأوسكار من أصل ستة ترشيحات، من بينها جائزتا أفضل سيناريو وأفضل إخراج عن فيلم “كرامر ضد كرامر” (1979)، اللي كيتعتبر من أفضل أعمالو، حيث صوّر بشكل رائع كيفاش الأب كيولي من شخص أناني لشخص مُحب ومخلص بعد ما دمر زواجو.

وكتب وأخرج كذلك فيلم “أماكن في القلب”، اللي جاب فيه جائزة أفضل ممثلة لسالي فيلد.