أسماء غربي -كود//

المنشطة التلفزية فدوزيم خرجات ففيديو كتدوي بواحد العجرفة والغباء لي ماشي من مستوى وجه كيعرفوه المغاربة، ومعجبهاش الحال حيت الألمان رفضو لي الفيزا، والواعرة ولات هي باغة اعتذار منهم حيت كذبوها وقلو من قيمتها على حساب ما قالت فلايف حطاتو فصفحتها ديال الانستغرام.

سميرة بلوي ولات مقدمة فدوزيم بسباب طليقها، ومن تما شدات بلاصتها شدة العما فالظلمة، وكيسحاب ليها راسها مهمة، عبرو عليها وطريقتها المتعجرفة وأسلوبها للغبي.

جا في الفيديو أنها معروضة من عند شي طبيب تضامنا مع غزة، لكن السؤال هو واش هادشي عندو علاقة ببرنامج صباحيات دوزيم اللي كيتسغليه فكلشي بهاد لعراضة.

من بعد هادشي، دوزيم خاصها تفتح تحقيق فامثال هادو اللي كيستغلوها لمصالحهم الخاصة، حيت دوات باسمهم.

السيدة دوات بالفرونسي وثمانين في المية من المعلقين معبروش على التضامن ديالهم معاها، واخة اصلا مكين لاش يضامنو، ونتاقدوها حيت كتدوي مع المغاربة لكن بتبوزيق والفرونسي من الفوق.

https://www.instagram.com/reel/Czqu0A_Md7O/?igshid=ODhhZWM5NmIwOQ==