كود سبور//

تعرض ريان فالشو حارس مرمى المنتخب الوطني المغربي لأقل من 20 عام، ويمارس فالبطولة البلجيكية، لحادث سير بسيارة.

وحسب فريق ميشيلين البلجيكي اللي كيلعب معه ريان فالشو البالغ من العمر 18 عام، فاللاعب المغربي تعرض لحادث سير وتنقل للسبيطار وخضع لعملية جراحية، لكن أكد أن الحالة ديالو الصحية مستقرة.

وسبق للحارس ريان فالشو اللي كيشق الطريق ديالو فمجال كرة القدم لعب 2 ماتشات مع المنتخب المغربي لأقل من 20 عام.