وكالات//

نوضات الموت ديال الممثل العالمي المعروف آلان ديلور، روينة كبيرة في فرنسا والعالم، مزال ماسالاتش في الصحافة الفرانساوية، ويمكن تمشي حتى للقضاء.

آخر التطورات كانت هي تصريحات ديال الحارس الشخصي ديالو لي سميتو دانيال، ولي خرج في واحد البرنامج فرانساوي سميتو “Touche pas à mon poste” .

هاد الحارس قال بلي بنت آلان ديلور أنوشكا خبات بزاف التفاصيل ديال المرض ديالو على العائلة، وماقالت ليهم والو في الأيام الأخيرة ديال المرض ديالو.

هاد التصريحات جات في الوقت لي هاجمو فيها العمام ديال انوشكا بنت خوهم، وقالو أنها خبات عليهم بزاف ديال التفاصيل على الصحة ديالو، وكانت باغا تديه حتى لسويسرا.

وتاهموها أنها دارت هادشي حينت كان عندها شي أهداف عندها علاقة بالورث، وهي التهم لي رفضاتها انوشكا، وقالت إنها غادي تدعيهم بتهمة التشهير.