كود سبور//

أكد الدولي المغربي أمين حارث أنه كايحلم يربح لقب مع المنتخب الوطني المغربي، وأن هذا كان ومازال هو الحلم ديالو، واخا الأمور دابا معقدة حيث ما كايعيطش له الناخب الوطني وليد الركراكي.

وهضر أمين حارث خلال ندوة صحافية نظمها أولمبيك مارسيليا باش يلاقيه مع الأطفال الصغار، وجاوب على سؤال “شنو المهم عندك تربح البطولة مع مارسليا أو كأس إفريقيا مع المغرب”، وقال: “بصراحة ديما كانحلم نربح لقب من المغرب، التتويج بلقب مع بلادي كايعني شي حاجة كبيرة بالنسبة ليا ولعائلتي”.

وكمل أمين حارث اللي ما كايعيطش عليه الناخب الوطني وليد الركراكي مدة هادي للمنتخب المغربي وقال: “دابا القضية معقدة شويا حيث ما كاينش فالمنتخب ولكن من الأحلام ديالي نربح لقب مع المغرب”.