كود- أكادير///

فاقت ساكنة حي تابورجت، فقلب أكادير، هاد الصباح، على حادث مؤلم ديال انتحار بنت فالثلاثينات من عمرها شنقا، وذلك بواسطة حبل لفته حول عنقها قبل ما تلاح من شرجم ديال البيرو فين كانت خدامة.

وحسب مصادر “ّكود”، فالراحلة لي عندها سونطر دابيل فوق مرجان ماركت فحي تالبورجت ومشاركة مع شي واحد، ولكن كانو عندها مشاكل مادية كبيرة، ولي كترجح المعطيات الأولية على هاد الحادث الصادم أنها كانت الدافع وراء إنهاء حياتها.

هذا، وقد جرى نقل جثة الهالكة باش يدار ليها التشريح فمستشفى الحسن الثاني، بينما فتح البوليس لونكيط تحت إشراف النيابة العامة، لتحديد ملابسات وظروف وقوع هاد المأساة.