وكالات//

فاقت أستراليا على وقع حادثة خايبة كان البطل ديالها واحد التمساح كبير بزاف، والضحية ديالها طبيب.

على حساب ماقالت بزاف ديال التقارير صحفية، فهاد الطبيب لي سميتو ديف هوغبين وعندو 40 عام في عمرو كان كيتسارا مع مراتو و3 ديال ولادو حدا هاد الواد.

ولكن وهو كيتسارا طاح في الواد وماقدراتش مراتو تعتقو، وشوية اختافا بشكل نهائي.

من بعد ساعات ديال التقلاب، شدات السلطات واحد التمساح كبير ولقات في المعدة ديالو البقايا ديال بنادم، وكيرجحو أنها ديال هاد الطبيب.

التمساح فيه تقريبا 5 مترو، وهادي هي الحادثة الرابعة لي وقعات في هاد العام بحال هكا.