كود – وكالات//

خطفات النجمة العالمية جينيفر لوبيز الأنظار مرة أخرى، هاد المرة فسيمانة باريس للأزياء الراقية، بعدما بانت بلوك كلاص خلا بزاف ديال الحاضرين والإعلام يهضرو عليه.

وجات جينيفر، لعرض المصممة الإيطالية سيليا كريثاريوتي، واختارت لبسة مرصعة بالكريستال  واللؤلؤ  مصنوعة من توب شفاف بلون غوزي فاتح كيلمع مع كل حركة كتديرها.

اللبسة جا بفتحة صدر على شكل  V مع الريش مغطي على الكتاف، الشي لي عطاها  لمسة ديال الفخامة والرقي، وخلاها تبان بحال واحدة من  نجمات السهرة.

أما من ناحية الجمال، اختارت جينيفر شعر طويل موج، مع ماكياج هادئ بألوان طبيعية، وبهاذ اللوك، أكدت جينيفر لوبيز مرة أخرى أنها ما زالا أيقونات د الموضة، وأنها كتقدر تجمع بين الزعامة، والأنوثة والأناقة.